" धन र मन "

उनको घरमा लक्ष्मीपूजालाई भनेर सेल रोटी पाक्दै थियो । एक डालो रोटी पोलिसकेको र अरू त्यति नै हुने गिलो पिठो बाँकी नै थियो ।
त्यही बेला एकजना करेसा जोडिएकी छीमेकी आइन , रोटी पोलेको देखेको हुनाले मिठो भएको सुनाएर एउटा रोटी डालोबाट झिकेर चार टुक्रा पारेर एक टुक्रो खान भनेर उनले छीमेकीलाई दिइन ।
एक टुक्रो सेल बडो अफ्ठ्यारो मान्दै घाँटीबाट तल निलेर छीमेकी बहीनि घर बाहीर निस्कदा तल पसलमा त्यही स्थानमा बनिबुतो गरेर जिविकोपार्जन् गर्ने माईला दाईलाई भुक्के पाउरोटी किन्दै गरेको देखीन । एउटा पाउरोटीको पैसा तिरेर हातमा बोकी फर्के पछी मात्र माइलादाईले राते कुकुरले उनको खुट्टा सुंघ्दै पुच्छर हल्लाउदै गरेको थाह पाए । यसलाई जति ख्वाए पनि पुग्दैन भनेर हातको पाउरोटी कुकुरलाई दिएर उनि अर्को किन्न फेरी पसल तिर नै फर्किए ।