म एक नेपाली

उसलाई देखेर मलाई धेरै आश्चर्य लाग्यो । उसको सम्पुर्ण शरीर रक्तरञ्जित थियो । सारा शरीरबाट आगोको ज्वाला दनदनी बलिरहेको जस्तो देखिन्थ्यो । मैले बडो उत्सुकताका साथ उसलाई सोधें , 
" तिमीलाई के भएको छ ?"
"मलाई जातिवाद , गरिबी , बेरोजगारी , पृथकतावाद , भ्रष्टाचार , अनैतिकता , बेइमानी जस्ता धेरै रोगले आक्रांत पारेको छ । यो जुन आगो मेरो शरीरबाट निस्किरहेको छ , यो जातिवाद र पृथकतावादको ज्वाला हो । यदि चाँडैनै मेरो उपचार भएन भने यो आगोले सबैलाई भस्म बनाउँछ । "
उसको मनको वेदना अनुहार सम्म आएको प्रष्ट देखिन्छ । 
उसको रहस्यमय कुराले म झन आश्चर्यचकित भएँ ।
" कस्तो बुझ्न नसकिने कुरा गरेको , तिमी को हौ ? "
" म एक नेपाली हुँ ।"